初心冰室 (已結業)

因為男友係附近返工關係，旺角經常成為我地吃喝玩樂之處。適逢某日系衣著品牌感謝節，所以就速速搵左間餐廳醫肚再血拼。餐廳新開將不久而室內裝潢，甚至桌上瓦仔階磚都有懷舊冰室味道，可能就係其【初心】之處。同男友點左 1個套餐，1個主食餐廳有做推廣，另外FB簽到可以用優惠價換取美食。分別揀左田螺焗薯蓉&芝士焗西蘭花可惜係2款都落在同一碟上出菜。套餐升級做酥皮湯，湯底就揀左紅湯，酥皮鬆脆。椰香焗葡國雞雞面上好多椰絲碎，加上葡式焗汁唔會太油，餸飯一流。雞肉份量都幾多，再配上用珍珠米既飯底，十分惹味。烤美國穀飼西冷扒配黑松露野菌汁牛扒揀左7成熟煮得好淋，好容易就可以切開，而且筋位不算多。咬落唔會韌，入口亦有肉汁味。餐廳定位價格不高，食物質素不俗，值得支持。