水剌韓饍 (已結業)

Item: 水剌韓饍
Rating: 3
Author: 奥志雷

SURA Korean Cuisine

65 食记

味道

环境

服务

卫生

抵食

2343

尖沙咀

$201-400

韩国菜烤肉

奥志雷

等级4

2.1K

突然饭聚，麻甩素颜返工碌到场 ﹗朋友仔好想食酱油蟹，我就决定试水刺啦 ﹗朋友仔迟迟未到，称旺角劲塞车有点阻滞呢 ﹗虽然订左七点半，依家刚才七点，我都系上去坐住等及研究 menu 先喇。

佐敦酱缸既酱油蟹虽然非常美味、大只、爆膏，但地方实在太细，坐到顶手顶脚、迫迫夹夹好唔舒服，而且服务麻麻地。要有冒险精神，发掘多一点好去处呢 ﹗

地方宽敝又密度低，空气流通、抽风又好，完全感觉唔到大油烟或污浊气味，环境真的不俗。侍应们都是操外语呢，只是懂一点点广东话，大多以韩文或英文沟通。

估唔到水刺有大量传统韩国料理，部份款色仲好少见添 ﹗反而烤肉选择就比较少，贵精不贵多。料理样样都试啊，今晚两口子饭聚，不能叫太多，要慬慎一点，唔想浪费，好头痛呀。

虽然朋友仔还未到达，但我已心里有数要点什么菜了 ﹗高质烤肉仲劲多料理，唔系一味烧烧烧，酱油蟹、水刺顶级牛肋骨、腌龙虾、特选黑豚柳、豆腐黑鳕鱼辣汤、冻豆浆面。

今晚我两为酱油蟹而来，当然主角系蟹呢，酱油虾、鲍鱼都要三天前预订，无缘一见。朋友仔不食牛，我唯有自己一个担起一整份顶级牛肋头啦，正呀，哈哈 ﹗

叫碟特选黑豚柳比朋友仔，再加多只龙虾。当然要饮汤，水冷面食过多次，见有季节限定冷豆浆面当然又要试。食住先，睇睇份量，唔够就再添啦 ﹗

玄米茶，饮过最好饮既玄米茶在这里，香纯甘香无穷，呷第一口既时候真的彷如听到叮一声呀！何解那么可口？惊喜万分 ﹗

叫壸米酒开开胃先，但朋友仔唔多欣赏酸酸甜甜既味道，层经有其他朋友形容为洗米水呢。其实因为唔想太快醉，所以无叫一向饮开既真露烧酒之麻。

韩式 5 小碟：牛肉球，好有趣，我还以为系猪肉狮子头添。普通腌过的免治牛肉做成球形蒸熟再放凉，咬落肉松一粒粒散开，机搅肉酱效果。带甜豉油味道，牛味不太出令我有所误会呢，整体算满都不错，我成旧食晒。

酸萝卜，爽脆又够酸，醒神醒脑、活力充沛，咬多两条先。芝麻菠菜，爽甜又多汁，赵到索索声，咸香出众，芝麻味倒不太食到。赤豆，非常得意既质感，豆类居然咽咽韧韧，跟红豆味道几乎一样，微甜清爽不呛，为何我食到有点奶味呢？

自家腌泡菜，香辣甜酸浓厚，非常独特好味，放系酱油蟹紫菜捞饭塞入口，好食到打冷震，停唔到口！净食泡菜酸辣香甜有齐，多汁美味。

酱油蟹配紫菜饭，万众期待今餐既主角酱油蟹隆重登场 ﹗音乐奏起，用热烈既掌声衬托，侍应缓缓优雅地将酱油蟹放下。我系订位时已留定一客两只，免得出什么意外，突然卖晒就死喇。试过系红磡韩烤兄弟食酱油蟹，侍应妹妹会帮我拆晒肉连蟹膏捞埋个饭送上架，服务热情周到，我直头想揽住妹妹黎钖呢 ﹗

蟹既呎码似乎细了一点，蟹膏亦少了一点，虽有点失望，但食先讲啦 ﹗当然先品尝蟹膏，蟹肉不用紧张，随后就到您喇。将白饭跟紫菜捞匀，放饭到蟹盖上，便可蟹汁蟹膏混为一体即狠狠地扫入口中 ﹗

甘甜鲜味滑滑蟹膏拥著饱满紫菜饭粒，咸香清爽芳香，各种味道跟质感撞得精采绝轮，复杂多变得难以形容，总之系太过好味喇 ﹗消灭完蟹膏后，即刻到蟹肉 ﹗将所有蟹肉挤到紫菜饭粒上，大量黏黏滑滑蟹肉跟饭粒融合，水润滑滑蟹肉鲜味冲击著味蕾，可口极致 ﹗

我想将味道再推到更高层次，就让自家腌泡菜温柔地躺在蟹肉紫菜饭上，碌入口中。甘甜咸香辛辣微酸，爽嫩脆弹滑黏，咽韧软棉，打得火热 ﹗整碗饭被我清得一粒都无剩呢，好好好好味呀 ﹗

豆腐黑鳕鱼辣汤，我最爱饮热腾腾既汤，中、西、日、韩、泰、法、意、等等，都要叫个汤黎暖暖胃之得。劲热石锅盛著靓汤送上，各式各样既材料装得满满，份量十足 ﹗

沙蚬、豆腐、萝卜、大蒜、金菇、黄帝菜、红椒、等等，包罗万有。嗒啖热汤，非常香辣而浓郁既味道，还散发著丰富鲜鱼香气。黑鳕鱼肉滑弹味道有咬口，厚厚的像斑球一样啖啖啖，鱼皮黏而弹，好味啊 ﹗

腌龙虾，好似无咩野食咁，黎多只龙虾之得。居然系酱油腌龙虾添，无紧要，试试。酱油咸香霸道略重口味，幸好烧得爽弹而保留龙虾鲜味，除左咸左少少外，好好味 ﹗

水刺顶级牛肋骨，不想独自快乐，但朋友仔唔食牛的呢，我唯有一力承担 ﹗ 重份量切得厚厚，颜色鲜艳又润泽，脂肪纹平均又幼细，一睇就知好野黎㖞 ﹗

平时食据扒、打边炉食牛只要 3 成，不过韩牛要食 5 成或以上，熟一点带令牛味更浓更突出。先黎啖原味，牛脂丰富牛味浓，肉质软棉棉好 soft 啊，好舒服 ﹗沾上烤汁添上一点清爽味道，又可以减轻油腻感，能够食得更多呢 ﹗整碟牛都系我一个包办，好食好食 ﹗

特选黑豚柳，唔系吹水口轻轻，坚系特选高质黑豚柳啊 ﹗一试便知龙定虫。烧到表面燋香微脆，入口外脆内嫩，劲弹牙劲 juicy ﹗肉汁澎湃，一咬激射，肉质有嚼劲，猪肉甜味出众，非常高质。

水刺顶级牛肋骨、特选黑豚柳，好多肉啊 ﹗烤肉正到痺，开心死我 ﹗但朋友仔都已经好饱了，只能试几片黑豚柳，其他都要让我处理喇。

夏季限定冻豆浆面，最初坐低已经非常好奇，好想试新野呢，我依家已经八九成饱，唔理咁多，叫左先算 ﹗跟一小碟砂糖咁有趣既？浅呷一口豆浆先，好咸呀 ﹗估您唔到会系咸豆浆，而且系劲咸啰。加一半砂糖试试，依然好咸。将全部砂糖落晒，但完全中和唔到咸味，味道变得更怪。

时令韩国传统冻豆浆面完全食唔惯，重咸味重芝麻味豆浆有趣搞笑，硬食左两小注始终顶唔住，无奈地要成碗放弃。冻豆浆面极咸，就算倒左成碟砂糖都唔掂，劲重芝麻味。但侍应哥哥话有花生酱的，但我完全食唔出啰。

今晚丰富晚餐多谢 $1600，但朋友仔投诉我食得贵，乱花钱呢 ﹗知道喇，我会节制、节俭一点架喇，今时唔同往日一个人麻。