影片
更多
2022-07-09
321 浏览
“初见”一间有初恋感觉名字的餐厅，就像是初次见面约会的地方。好耐之前听过呢间餐厅名已经想黎食嘢，终于都有机会黎食喇。“初见”系一间比较平民化嘅日式餐厅，一入门就觉得楼底好高，感觉简约舒服。近门口位置有个Bar枱，寿司吧同水吧位置上面有个装满日本清酒嘅架，天花有树枝做装饰，最入corner 有幅假叶墙啱打咭用。呢度最出名就系”初见香草吉列牛” ，当然要试下。另外，我地叫咗”野菜豆腐锅”同三文鱼刺身。“初见香草吉列牛” - 石烧牛，客人可喺石火炉上因应自己喜欢的生熟程度将牛烧熟。呢度用上优质澳洲或美国牛小排，配上流心蛋同日本珍珠饭，份量十足。厚切牛块用香草包住，肉质香嫩多汁，只需煎到半熟就已经有外脆内嫩嘅效果。“野菜豆腐锅” - 好丰富的野菜锅，再加钱转配礸岐乌冬，个人好喜欢。材料新鲜，用咗日本椰菜同豆腐，再加上鲜冬菇、金菇、蒟蒻、芋丝，只需几分钟，成个锅已经好清甜。本臭想食埋寿司，但怕食唔晒，所以最后只系叫咗碟三文鱼刺身试下。刺身大块厚切，一啲都唔吝啬。颜色尚算鲜艳，位置应该系鱼腩附近，食落有微微嘅油脂味。$45/4块，抵食。整体服务同食物质素都不俗，价钱唔贵。呢度食物款式好多，吉列牛同
“初见”系一间比较平民化嘅日式餐厅，一入门就觉得楼底好高，感觉简约舒服。近门口位置有个Bar枱，寿司吧同水吧位置上面有个装满日本清酒嘅架，天花有树枝做装饰，最入corner 有幅假叶墙啱打咭用。
呢度最出名就系”初见香草吉列牛” ，当然要试下。另外，我地叫咗”野菜豆腐锅”同三文鱼刺身。
“初见香草吉列牛” - 石烧牛，客人可喺石火炉上因应自己喜欢的生熟程度将牛烧熟。呢度用上优质澳洲或美国牛小排，配上流心蛋同日本珍珠饭，份量十足。厚切牛块用香草包住，肉质香嫩多汁，只需煎到半熟就已经有外脆内嫩嘅效果。
“野菜豆腐锅” - 好丰富的野菜锅，再加钱转配礸岐乌冬，个人好喜欢。材料新鲜，用咗日本椰菜同豆腐，再加上鲜冬菇、金菇、蒟蒻、芋丝，只需几分钟，成个锅已经好清甜。
本臭想食埋寿司，但怕食唔晒，所以最后只系叫咗碟三文鱼刺身试下。刺身大块厚切，一啲都唔吝啬。颜色尚算鲜艳，位置应该系鱼腩附近，食落有微微嘅油脂味。$45/4块，抵食。
整体服务同食物质素都不俗，价钱唔贵。呢度食物款式好多，吉列牛同不同嘅锅类，仲有拉面同burger。下次再黎要试埋佢嘅寿司同大板烧风味burger先得。
4 浏览
0 赞好
0 留言
张贴
