群記牛肉圓豬手

营业中

休息中

行完山揾个地方医肚先，传闻粉岭群记猪手好得，撞啱今日有地头虫文廸姐系度，就跟住佢去揾食啦！咁晏可能咩都卖晒无野食架㖞，去到先算啦。装潢保持几十年前古色古香，老面店架局，灯光暗暗，挂场风扇、天花吊扇、折櫈、牛角扇、不设冷气开放，果真好有风味！初战群记，太晏无猪手喇，河粉卖晒、牛卷卖晒，所以唔洗等位一到就入坐添。只有猪手、牛丸、牛腩、牛肉炸卷卖既群记，唔食牛就只有猪手了，连猪手都无就食净粉面啦！牛腩牛丸面走葱，牛腩碎麻麻地，干鞋又多肥膏无咩肉食，豉油味重而浊，唔多喜欢。小牛丸 good 㖞，细细粒容易食，手打丸质地幼滑，淡淡牛味不算浓，肉汁微微还可以。清清的汤底，幼面平庸普通挂上汤汁都蛮满意。辣椒油非常独特，香浓而不辛辣，浓厚面酱味道带甜味。一小碗面我要用上两大羹已够喉呢，自助添油。刚刚辣油沽清撞上侍应姐姐亲手调制呢，原来唔系一早调好，见姐姐将辣椒渣跟其他不知名酱油混合就完成喇。不明白何解如此质数日日大排长龙呢，一定要黎会一会佢既猪手先得！