影片
更多
2020-01-16
81 浏览
元朗地胆朋友话佢舅父以前专登揸车入黎买粥食，所以我哋闻风而至……外面招牌同帐篷都印有新记呢个名，所以唔难认。入到去见到枱面有店铺历史，加上部份食物嘅图，见到想嗌晒佢。店员为我哋带黎一张QR code，话可以试下自助点餐，估唔到老字号都咁高科技……最后系朋友嘅呼唤下，愈叫愈多，差啲叫到覆盖晒个画面。酥炸鱿鱼须 $49虽然色泽深色咗d，但无损鱿鱼须嘅口感，咬落去感觉鲜嫩，配喼汁入口更佳。煎虾米肠 $33有别于其他地方（酱同肠分开摆），呢度系酱系碟底，令到虾米肠沾满香浓嘅花生酱。加上虾肠煎得够脆，呢碟食到停唔到口，亦系我重点推荐！XO酱炒萝白糕 $49XO酱好入味，同时萝白糕好有咬口，香浓惹味。贵妃鸡猪润粥 $57附近嘅客人都有叫贵妃鸡，咁无理由去到粥店唔叫粥，又无理由有双并唔加多些少钱试埋猪润，所以我哋就点咗呢个粥。猪润爽滑，同个粥好夹，而粥底吸收咗鸡味，对于甚少食粥嘅朋友亦无反感。豉油皇炒面 $26性价比高，色香味俱全，面身够干，入口有阵阵酱油香。食到好饱，下次试埋其他款式！
外面招牌同帐篷都印有新记呢个名，所以唔难认。
入到去见到枱面有店铺历史，加上部份食物嘅图，见到想嗌晒佢。
店员为我哋带黎一张QR code，话可以试下自助点餐，估唔到老字号都咁高科技……
最后系朋友嘅呼唤下，愈叫愈多，差啲叫到覆盖晒个画面。
酥炸鱿鱼须 $49
虽然色泽深色咗d，但无损鱿鱼须嘅口感，咬落去感觉鲜嫩，配喼汁入口更佳。
煎虾米肠 $33
有别于其他地方（酱同肠分开摆），呢度系酱系碟底，令到虾米肠沾满香浓嘅花生酱。加上虾肠煎得够脆，呢碟食到停唔到口，亦系我重点推荐！
XO酱炒萝白糕 $49XO酱好入味，同时萝白糕好有咬口，香浓惹味。
贵妃鸡猪润粥 $57
附近嘅客人都有叫贵妃鸡，咁无理由去到粥店唔叫粥，又无理由有双并唔加多些少钱试埋猪润，所以我哋就点咗呢个粥。猪润爽滑，同个粥好夹，而粥底吸收咗鸡味，对于甚少食粥嘅朋友亦无反感。
豉油皇炒面 $26
性价比高，色香味俱全，面身够干，入口有阵阵酱油香。
食到好饱，下次试埋其他款式！
张贴
