影片
更多
2008-06-23
38 浏览
一间师傅想黎左好耐嘅食店, 可惜迟迟都未得闲黎, 终于早几日黎左呢度一试, 感觉系......早一日先至打电话黎订枱, 幸好仍然有位, 否则又唔知要等到几时先黎喇! 于是两个人准时到达, 侍应安排入坐, 坐底后师傅即刻睇下有咩好食, 再商量左一阵先就落单, 当然师傅一定要试下呢间食店嘅首本名菜, 所以柯打呢客金船长芝士汉堡包, 仲有金船长小食拼盘, 一客自算车仔意粉, 再跟餐, 一个加廿蚊配餐汤同餐饮, 另一个加三十就配餐汤同特饮, 最后经侍应嘅提醒再柯打定甜品心太软朱古力布丁!等左一阵餐汤系首先登场, 餐汤要左一红一白, 红嘅系杂菜汤, 白嘅后周打海鲜汤! 卖相相当精美, 餐汤嘅碟边伴住一块少少嘅蒜蓉包; 而杂菜汤味道系酸酸地, 几开胃惹味, 而料亦十足, 正呀; 周打海鲜汤嘅忌廉好多加上好浓奶味, 喜欢奶嘅朋友必定钟意, 料亦甚多不过师傅冇试到, 所以不便评论; 而蒜蓉包就唔够脆, 不过好松软, 蒜蓉份量不多不少, 唔错!接住就系金船长小食拼盘, 拼盘有焗蜜糖鸡中翼, 炸手指鱼柳, 炸咖喱角同埋炸洋葱圈! 焗蜜糖鸡中翼有三件, 系焗到热辣辣而皮系脆卜卜, 加上蜜味好够, 咬落啲肉
早一日先至打电话黎订枱, 幸好仍然有位, 否则又唔知要等到几时先黎喇! 于是两个人准时到达, 侍应安排入坐, 坐底后师傅即刻睇下有咩好食, 再商量左一阵先就落单, 当然师傅一定要试下呢间食店嘅首本名菜, 所以柯打呢客金船长芝士汉堡包, 仲有金船长小食拼盘, 一客自算车仔意粉, 再跟餐, 一个加廿蚊配餐汤同餐饮, 另一个加三十就配餐汤同特饮, 最后经侍应嘅提醒再柯打定甜品心太软朱古力布丁!
等左一阵餐汤系首先登场, 餐汤要左一红一白, 红嘅系杂菜汤, 白嘅后周打海鲜汤! 卖相相当精美, 餐汤嘅碟边伴住一块少少嘅蒜蓉包; 而杂菜汤味道系酸酸地, 几开胃惹味, 而料亦十足, 正呀; 周打海鲜汤嘅忌廉好多加上好浓奶味, 喜欢奶嘅朋友必定钟意, 料亦甚多不过师傅冇试到, 所以不便评论; 而蒜蓉包就唔够脆, 不过好松软, 蒜蓉份量不多不少, 唔错!
接住就系金船长小食拼盘, 拼盘有焗蜜糖鸡中翼, 炸手指鱼柳, 炸咖喱角同埋炸洋葱圈! 焗蜜糖鸡中翼有三件, 系焗到热辣辣而皮系脆卜卜, 加上蜜味好够, 咬落啲肉又好嫩好滑, 劲好味; 炸手指鱼柳都有四条, 又系炸到又热又脆, 手指鱼柳非常松软, 系好好味; 而炸咖喱角就有三件, 炸得好脆, 不过咖喱唔香仲有少少苦, 一般啦; 呢个三四三嘅配搭真系冇得顶; 炸洋葱圈师傅冇试到, 皆因一向都唔食洋葱!
再黎唔好比佢停, 就试下佢个首本名菜金船长芝士汉堡包, 落单时侍应问个包嘅牛肉要几成熟, 师傅好好奇问通常要几成熟, 而侍应话通常建议客人要七成, 于是师傅就乖乖咁要左七成; 当见到个金船长芝士汉堡包, 简直令师傅兴奋莫名, 大大个金船长芝士汉堡包, 厚厚嘅牛肉, 劲香加上肉汁劲多, 配埋厚切蕃茄, 松软嘅汉堡包, 够晒醒胃! 仲有薯条热辣辣加上薯味十足, 真系好好味, 冇得顶!.
自选车仔意粉就要左意大利粉配茄汁及巴麻臣芝士, 配料要左芝华力肠同烟三文鱼, 简简单单; 车仔意粉份量唔算多, 系烟三文鱼咸左少少, 不过味道及卖相一流, 好正!
甜品心太软朱古力布丁, 内里嘅朱古力在半溶状态, 热的心太软朱古力蛋糕同埋有一个云尼拿雪糕球, 系朱古力甜左少少! 而餐饮就柯打左一杯冻柠檬茶同一杯特饮薄荷浮冰, 冻柠檬茶茶味都几够, 可以; 而薄荷浮冰就麻麻, 皆因薄荷几浓, 好苦唔吸引!
总括而言食物质素相当出色, 真系食得过, 虽然地方唔算太大, 但环境舒服, 服务态度令人满意, 加上价钱唔算贵, 埋单连加一都唔使二百七, 一人都唔使百四, 都几抵食! 师傅对于初会金船长印象难忘, 有机会一定会再黎, 笑脸系谂唔到点解唔比啰!
张贴
