影片
更多
2023-01-13
69 浏览
今日去嘅餐厅喺荃湾内街啲嘅位置，估唔到呢个位都有CP值高嘅餐厅，见佢平日夜晚都满座㗎。餐厅装修都比较偏向日式，有温馨嘅感觉。我地叫左 初见香草吉列牛($138)同安格斯牛肉锅($88)。香草吉列牛一上都吓一吓，因为无谂过真系一大条牛肉上，本来以为只会得几旧。香草吉列牛要自己烧，钟意几熟都得，都钟意呢啲有得自己DIY玩下咁。香草味道唔会太抢，依然食到牛嘅味道，肉质都唔会太过韧，呢个价钱上咁大条牛都抵了。另外一提溏心蛋都唔错，蛋黄唔会太过熟，有甜甜流心嘅感觉。安格斯牛肉锅份量都几啱啱好，本来锅里面都已经有啲火锅配料，好似娃娃菜、金菇、芋丝，欣赏佢放埋蒟蒻喺入面，平时都好少见。牛肉每块都好大块，每块都远超我手掌嘅长度，放落去渌几十秒就已经食得，牛肉肥瘦都好均匀，我钟意点埋佢个酱汁先食，唔错！两个人埋单都系$226，又有得食又有得玩，呢个价钱CP值都叫唔错，大家去开荃湾都可以试下～=初见 // 荃湾海坝街22号华达楼地下F号舖 // 3590 4277=
香草吉列牛一上都吓一吓，因为无谂过真系一大条牛肉上，本来以为只会得几旧。香草吉列牛要自己烧，钟意几熟都得，都钟意呢啲有得自己DIY玩下咁。
香草味道唔会太抢，依然食到牛嘅味道，肉质都唔会太过韧，呢个价钱上咁大条牛都抵了。另外一提溏心蛋都唔错，蛋黄唔会太过熟，有甜甜流心嘅感觉。
安格斯牛肉锅份量都几啱啱好，本来锅里面都已经有啲火锅配料，好似娃娃菜、金菇、芋丝，欣赏佢放埋蒟蒻喺入面，平时都好少见。
牛肉每块都好大块，每块都远超我手掌嘅长度，放落去渌几十秒就已经食得，牛肉肥瘦都好均匀，我钟意点埋佢个酱汁先食，唔错！两个人埋单都系$226，又有得食又有得玩，呢个价钱CP值都叫唔错，大家去开荃湾都可以试下～
=初见 // 荃湾海坝街22号华达楼地下F号舖 // 3590 4277=
张贴
