影片
更多
2022-03-20
269 浏览
初访Suzuno. 话说入咗谷一段时间, 大开眼界. 唔少谷友推介Suzuno. 价钱正常, 唔难订位, 决定一战.餐厅设有一张L型吧枱. 师傅枱同吧枱中间有嘢挡住, 其实睇唔到师傅整紧乜. 师傅一打十. 中午有12贯寿司餐, $680+10%. 另外有刺身寿司餐, $980+10%.今日初访, 用餐体验一流. 正如其他食评所讲, 邓师傅讲解好多食材知识, 亦会将食材例如八爪鱼攞出嚟俾大家睇. 气氛十足. 呢次食评都会将师傅讲嘅嘢记录低.前菜: (1) 水菜沙律. 炸莲藕. 水菜好新鲜, 味道啱啱好. 炸莲藕又簿又脆, 出色. (2) 千切大根. 萝卜好入味. (3) 蒸蛋. 够热, 味道略淡. 老实讲, 前菜已经好掂!第一贯: 赤矢柄. 师傅一开始将成条尖嘴赤矢柄攞出嚟, 带起咗气氛! 讲番食物, 味淡, 微微橘子酸. 鱼肉唔特别结实. 以第一贯嚟讲, 合格. 留意下, 寿司系放喺叶兰上面.第二贯: 四国真鲷 (天然䲞鱼). 放咗萝卜和葱提升鱼味. 好食. 味道比第一贯跳咗几级.第三贯: 缟鯵. 不得了. 口感丰富. 肥美. 赞! 今餐至爱之一.第四贯: 金目鲷. 用热水渌熟咗鱼皮,
餐厅设有一张L型吧枱. 师傅枱同吧枱中间有嘢挡住, 其实睇唔到师傅整紧乜. 师傅一打十. 中午有12贯寿司餐, $680+10%. 另外有刺身寿司餐, $980+10%.
今日初访, 用餐体验一流. 正如其他食评所讲, 邓师傅讲解好多食材知识, 亦会将食材例如八爪鱼攞出嚟俾大家睇. 气氛十足. 呢次食评都会将师傅讲嘅嘢记录低.
前菜: (1) 水菜沙律. 炸莲藕. 水菜好新鲜, 味道啱啱好. 炸莲藕又簿又脆, 出色. (2) 千切大根. 萝卜好入味. (3) 蒸蛋. 够热, 味道略淡. 老实讲, 前菜已经好掂!
第一贯: 赤矢柄. 师傅一开始将成条尖嘴赤矢柄攞出嚟, 带起咗气氛! 讲番食物, 味淡, 微微橘子酸. 鱼肉唔特别结实. 以第一贯嚟讲, 合格. 留意下, 寿司系放喺叶兰上面.
第二贯: 四国真鲷 (天然䲞鱼). 放咗萝卜和葱提升鱼味. 好食. 味道比第一贯跳咗几级.
第三贯: 缟鯵. 不得了. 口感丰富. 肥美. 赞! 今餐至爱之一.
第四贯: 金目鲷. 用热水渌熟咗鱼皮, 一齐食. 胶口. Ok 嘅. 但我都系钟意烧咗嘅金目鲷.
第五贯: 关鲭, 九州. 肉质紥实, 有弹性, 鱼味浓郁.
炸白虾, 富山县. 香脆. 虽然细细只, 食落仍然有口感.
第六贯: 白虾. 少少胶口. 师傅话白虾系呢个时候当做. 今日有三款白虾食物.
第七贯: 甘海老, 北海道. 据闻放三只系传统做法. 一啖食晒, 澎湃, 新鲜, 弹牙.
第八贯: 水八爪鱼, 北海道. 另外切番个吸盘俾你. 紫苏叶味道太重, 我麻麻哋. 八爪鱼质地细滑, 少似鱿鱼.
白虾真丈, 即系白虾虾丸. 新鲜. 口感有少少似鱼腐. 超级好食.
第九贯: 平贝, 师傅话当佢系大带子. 鲜甜.
第十贯: 吞拿鱼酱油渍. 酱油味浓郁. 鱼身肥美. 因为用咗皮下肉, 所以好嫩滑. 今餐至爱之一.
第十一贯: 大吞拿鱼腩. 落咗盐, 冇加酱油. 肥美, 正!
第十二贯: 海胆手卷. 好多海胆. 鲜甜, 抵赞.
追加一: 吞拿鱼茸手卷.
追加二: 太卷.
最后仲有乌冬同热咖啡. 完美一餐.
总结一下: 食材用料优质, 用餐体验一流. 一边食, 一边长知识. 大路食材例如系吞拿鱼同海胆相对略欠惊喜; 少见嘅食材例如关鲭和缟鯵真系哗一声. 整体调味较简单, 亦冇炙烧. 如果想同朋友倾下计, 坐吧枱比较烦忙. 如果想专心享受Omakase, 值得推介. 午市只做一转, 唔使赶头赶命, 不过要预时间, 今餐食咗2.5+ 小时. 一定再访!
张贴
