好一鍋海鮮火鍋專門店 (已結業)

今晚我们喺旺角做完嘢之后去咗琼华中心𠮶度睇吓有咩好食？喺众多间之中我们拣咗去「好一锅海鲜火锅专门店」食火锅放题！可能当时嘅时间比较早，所以仲剩除好多位！一开始店员就攞咗个自助调味酱盘畀我们拣选我们想要嘅酱料，香葱、蒜蓉同辣椒丝都好新鲜，唔会好似摆放咗好耐咁变到干晒，而且处理得好干净卫生！至于汤底我们就拣咗木瓜鱼尾汤锅，汤底嘅系奶白色㗎，而且汤料嘅木瓜同雪耳都几多，所以味道好清甜同感觉好滋润！手切肥牛嘅肉质好软滑，牛肉味亦几浓郁，但就略嫌其中一碟嘅脂肪比较多！白鳝片嘅质感非常爽滑弹牙，但就略嫌切得比较薄身！生猛海虾都算几大只，肉质相当爽甜弹牙！其他火锅材料同蔬菜都相当新鲜，而且清洗得好干净卫生！