Ebeneezer's Kebabs & Pizzeria (已結業)

今晚我们喺尖沙咀见完客之后，咁啱喺街撞见个朋友，而佢又未食饭，所以就决定一齐食，佢同我们介绍话喺亚士厘道有间中东菜餐厅叫「Ebeneezer’s Kebabs & Pizzeria」嘅咖哩好正，所以我们就去咗食晚饭！由于佢食过好多次知道边啲系好食，所以今次系佢负责点餐！我们叫咗鸡肉卡巴嘅饼皮质感好烟烟韧韧，鸡肉嘅肉质都几嫩滑，而且份量非常足料，除咗鸡肉之外，其他嘅馅料仲有生菜、蕃茄同洋葱等等等等⋯⋯令到口感更加丰富，兼且唔会有好油腻嘅感觉！烧鸡肉薄饼嘅卖相好色彩缤纷吸引，饼底嘅厚度适中，质感都几松软，但批边就比较硬身！咖哩羊肉饭「大辣」同咖哩鱼肉饭「小辣」嘅咖哩汁非常惹味浓郁，虽然有「大辣」同「小辣」之分，但都一样有好香浓嘅椰汁香味，羊肉虽然有好浓烈嘅膻味，但唔会觉得难食，鱼肉嘅肉质相当嫩滑，而且份量都几多，至于米饭嘅质感就比较硬身，但都几烟韧！