和味煮意

营业中

休息中

今日同老婆揾地方食饭， 咁啱经过见到间试业的新餐厅， 就试试佢。入到去差唔多满座， 不过刚好有个坐紧卡位的客起身， 我哋即刻就有位望下餐牌，唔算好多嘢食， 不过大部份都啱我食， 所以好快拣到几特别的 “猪红拼鸡扒” 。 而我老唔钟意食粉， 就拣咗 “猪软骨拼糠心蛋”， 因为佢食得辣， 汤底就拣泡椒加木薯粉。 再配多个小食， 就要炆冬菇啦。首先冬菇同粉先到。 冬菇几厚身，而且大只 （居然同只蛋差唔多大细），炆得都入味。个汤粉就好多配菜， 芫茜、炸菜、花生，再有一pat应该系辣酱的物体。 试一匙汤头， 都唔嘢少， 真系几辣。 个木薯粉就几烟韧， 唔会煮到好淋。猪软骨同样煮得入味， 不过有啲碎， 而糖心蛋有酒香， 亦有流心效果。跟住就到我的饭， 鲁肉饭底， 啲鲁肉有少少咸， 不过送饭唔错。 猪红就有惊喜， 够实唔会一夹就散， 又入味。 鸡扒就正常， 冇雪味亦唔会煎到好干。So far整体都系唔错的一餐， 可以再Encore。 老板极力推介有任食火锅， 有好多唔同的锅底， 好似现时好Hit的酸菜鱼、麻辣鸡煲之类， 较特别就有奇味鸡同麻辣牛肋条等等， 下次有机会试下。