津門大飯店 (已結業)

今晚我们去咗西环嘅太平洋广场行街见到有间新开食北京菜嘅「津门大饭店」试业中！我们问店员有冇晚饭食？店员好亲切有礼咁话：「有呀！」之后我们就决定喺度食晚饭！店内嘅环境装修相当古色古香！我们叫咗天津煎饼果子外层系一块薄饼，入面包著炸得好香脆嘅油条「油炸鬼」，再夹埋秘制嘅酱汁一齐食，真系好惹味！九转大肠听店员话系用大肠反覆套9层造成，质感非常软熟，口感相当丰富！酱爆兔丁今次系我们初次食到兔肉，肉质好鲜嫩多汁！凉拌猪肚系将爽滑猪肚切成幼丝，捞埋啲青瓜同生蒜片一齐食，感觉非常清新！驰名开水白菜店员话系国宴先可以食到呢道菜，食咗觉得都系值得一试，呢道菜系将啲白菜浸著鸡汤上碟，食落感觉好清甜爽脆，再加埋洒喺面嘅火腿碎粒，令到味道更加甘香！宫廷八宝茶入面嘅八宝有：菊花 杞子 红枣片 雪梨干片 甘草 花旗参 茉莉花 冰糖，味道超清甜芳香！平日通常都系饮开普洱或铁观音，但今次饮到呢个宫廷八宝茶，感觉真系好新鲜！