鮨見 (已結業)

今日男朋友话要想试吓啲新嘅嘢，所以就带咗我黎食刺身。我平时唔系好钟意食刺身，成日都觉得好腥。佢介绍我食呢间厨师发办，佢同事话好高质，所以今日带埋我嚟食。我地约咗七点，入面已经有一对情侣食紧。睇一睇Menu，原来依间餐厅咁贵，男朋友真系有我心。我哋叫咗《见》set ，谂住食得丰富啲。个日本厨师好有气势，而且好似咩语言都识，一边煮一边向我哋介绍色彩嘅知识，又讲下厨师发板嘅由来，几风趣。第一道上嘅菜系前菜，系鱿鱼仔黎，配上酱汁都几开胃的。然后，就送上茶碗蒸。蛋嘅质地滑溜，内里有冬菇，瑶柱，芫荽等等，味道不错，用料充足。然后，就到刺身时间。先来一个安康鱼肝，师傅用火枪即时烧过，鱼油味即刻扑埋黎。鱼肝既口感好融化，充满鱼油香。然后就到海胆白子，口感好creamy，唔会腥，好有海既鲜味。之后再嚟三款刺身。分别系池鱼、春鱼、金目鲷。佢哋肉质厚实，但食落好柔软，味道都好鲜甜。我个人觉得春鱼最好味。然后再嚟一个刺身合体。有带子同甜虾，中间包住吞拿鱼沟飞鱼子，面头有鲍鱼肝酱同金箔。好靓。食落去口感好特别，先有带子同甜虾嘅鲜甜，但咬到中间就有吞拿鱼嘅咸味，同埋飞鱼子松脆嘅口感，啲飞鱼只系口系咁爆出黎，令人齿