樂天大喜屋 (已結業)

今晚我们去咗旺角创兴广场嘅「乐天大喜屋日本料理」食晚市放题！我们叫咗杂锦刺身拼盘、多款创意寿司、花之恋寿司、海胆手卷、黄金烧海虎虾、日本温泉蛋、燕窝蛋白配一品海参、盐烧牛舌、芝麻鸡翼、芝士年糕、天妇罗虾同鲜蟹粥！杂锦刺身拼盘嘅刺身非常新鲜，当中嘅北海道带子同极大赤虾嘅味道极之鲜甜软滑！多款创意寿司同花之恋寿司嘅卖相相当精致吸引，味道好鲜味！海胆手卷嘅海胆好新鲜软滑，味道好鲜甜！黄金烧海虎虾表面嘅酱汁酸酸甜甜，虾肉嘅肉质都几弹牙！燕窝蛋白配一品海参嘅海参好爽滑弹牙，味道好惹味！燕窝蛋白嘅味道好香甜嫩滑！盐烧牛舌嘅肉质好爽口嫩滑，肉味亦好浓郁！芝麻鸡翼炸得表面好金黄香脆，入面嘅肉质好嫩滑，真系好惹味！芝士年糕嘅年糕好烟烟韧韧，芝士亦好软滑香浓！天妇罗虾嘅虾肉好爽甜，表面嘅炸粉亦唔系好厚身！鲜蟹粥嘅粥底都几绵，蟹肉亦几鲜甜！另有多款特色雪糕同甜品可供选择！