必勝客至Hot外送速遞 (非門市)

营业中

休息中

由于见到电视广告见到有新款薄饼推出，所以我们今晚叫咗「必胜客至Hot外送速递」返屋企食！我们叫咗个4-5人套餐，我们选择咗海洋趣脆大批嘅卖相好色彩缤纷吸引，材料有爽口嘅大虾、软滑嘅珍珠带子、爽滑嘅鱿鱼圈、香脆嘅墨西哥薄脆、香甜嘅蜜桃等等等等⋯⋯夹埋松软嘅厚批一齐食，令到口感更加丰富！意式鸡皇意粉嘅意粉都几烟韧弹牙，鸡肉都几大件同软滑厚身！咖哩鸡肉饭嘅米饭好软熟，捞埋惹味浓郁嘅咖哩汁一齐食，真系好正呀！蚬肉焗薯蓉嘅薯蓉好软滑，今次嘅蚬肉比之前食过嘅大只，肉质好鲜甜弹牙！