馬家莊清真館 (已結業)

第一次食清真菜，男朋友仲话系带我食放题，去到睇menu第一版又真系无价钱，差啲又俾佢扼左🤷因为第一次黎到，都系男朋友发板比较稳阵。我地叫左牛肉饼，大饼羊肉卷，京葱羊肉水饺同埋咖喱羊腩饭。大饼卷系得奖菜式，卷皮，羊肉同埋带酸既酱料味道好夹，咬落既口感好丰富，第一次食都觉得钟意。牛肉饼，我同男朋友都觉得比大饼卷更值得攞奖，好在男朋友之前openrice过，知道肉汁非常多，所以切既时候都分外小心，果然一切，肉汁流到成个碟都系。食既时侯都系充满肉汁，香香既肉味，yumyumyum。咖喱羊腩饭虽然我唔食咖喱，但系男朋友都夹左两旧羊腩俾我试下，咖喱唔太辣，而肉质林而不老。