強記美食

营业中

休息中

之前睇过唔小强记米芝莲小食推介嘅报导，本身唔系港岛人较小机会嚟食。今晚天气冻又撞正喺湾仔区，就决定嚟试试佢嘅出品。嚟到强记应该无人会唔点佢嘅招牌腊味糯米饭(我估就算大热天时，应该都有不小街坊捧场)。糯米饭用料足，有齐腊/润肠、冬菇、腊肉。糯米饭粒煮得够爽又糯，唔会好湿身; 饭上面亦有油香。我简咗腊肠，原条上够诚意; 同埋听讲腊肠系香港制造所以食落无怪油味道。如果可以再加埋花生咁就Perfect 啦！香煎虾米肠粉，质数本身系唔错，但可惜肠粉面煎得唔够有点失色。另外呢度有D用南乳清汤去做嘅小食，我点咗鱼蛋同埋烧卖。两样食物入面，我都食唔出南乳味道 ; 而且口感太淋唔弹牙。新舖有新加小食，我点咗咖哩汁鱿鱼，咖哩汁比得唔太多所以食落水鱿鱼唔够味。