川粵米線大王 (已結業)

以前响佐敦区工作，食过一样嘢叫『苕粉』，我觉得好好食。因为已经系多年前嘅事，而且仲要系叫外卖关系，所以我都唔知间食肆其实系响边度(((印象中好似近油麻地永安后面嘅熟食市场咖...)))。苕粉唔系好多地方都有得食，我揾咗好耐都揾唔到。有次同友人讲起，佢话系咪红薯粉呀？虽然我未食过，但我睇过啲相，已经知道唔系咖喇！不过友人话，红薯粉都好好食咖，而且口感同我形容嘅苕粉好近似，所以就决定一试。外卖咗一碗麻辣鱼腐鱼皮饺冬菇红薯粉 (中辣)红薯粉的确系几爽口，不过我都系比较钟意食苕粉多啲。鱼腐就普普通通，鱼皮饺都唔系特别，而冬菇就切成一片片(((我仲以为系成粒菇上咖嘛)))个麻辣汤就好过联记川王果啲麻辣，唔会『痲』到你完全冇哂味觉，起码我都仲食得出自己食紧嘅嘢系乜嘢味啰！(((虽然与本人无关，不过都想讲一讲))) ---> 等外卖时，见有一女士又系嚟买外卖，之后我听见个店员同果位小姐讲，如果你想要多啲芽菜，不如你另外要一份芽菜啦，分量仲多啲添！十蚊份之嘛！ 我心谂十蚊一份芽菜？唔系啩？ 我响街市买三蚊芽菜，个分量多到食唔哂啦，你够誊死卖十蚊？真系唔知分芽菜个分量会有几多啰...