老地坊小館 (已結業)

鸡煲已经兴起咗一排, 但我仍未有机会一试. 上个月头终于有机会啦~ 我地一行十个人去咗上环老地坊小馆食鸡煲.今次我地是食鸡煲放题, 先食鸡煲, 再火锅, 一次过两种食法, 正.这里的鸡煲有两款, 一款是奇味, 一款是麻辣. 而辣道有分原味, 小辣, 中辣和大辣四款.我地叫咗一个奇味原味, 一个麻辣小辣.鸡煲未来到之前, 先有一些小食俾大家,  麻辣拍青瓜.白肉.木耳丝，我自己最钟意拍青瓜, 好入味, 晚前小食或者用来送啤酒啱晒.鸡煲来到, 真是好香, 但也感觉到辣味, 原来原味都有小小辣, 但对于唔食辣的我, 这已经是辣, 不过好野味, 好开胃, 食麻辣那边, 不驶讲, 真系辣. 不停叫野饮.D鸡好入味, 仲好嫩滑, 而且份量都唔少. 差唔多食完d鸡, 就叫佢地加汤打边炉, 款式都有唔少, 可以任叫.由于未打边锅之前食咗唔少鸡, 所以我主要食菜和丸, 最爱食响铃, 芝心丸等, 全部入晒味. 款式未必有平日火锅咁多选择, 但基本的款式也有, 也算新鲜.钟意食辣的朋友啱晒, 个汤底真系辣每人都唔驶二百蚊, 食到饱晒, 价钱都可以, 所以爱辣人士可以来一试.