福岡漢堡扒 (厚福街) (已結業)

去尖沙咀揾食一定会去厚福街，选择又多又高质，今次就去咗人气韩国石烧餐厅 — 福冈汉堡扒！每个位都有吸气管，喺烧肉嘅时候将吸气同石头位置对准，吸气位吸油烟力几强，食完头发、衣物都唔会有太大浸烧肉味。落单可以自己scan QR code，我哋今次就叫咗个2人餐（$355），包两款汉堡扒、一款饭、汤、沙律同饮品。芝士蛋蒜和牛汉堡扒，汉堡扒会整到系一个圆滚滚嘅波，造型得意，铁板上面仲有拉丝芝士蛋。烧肉时，先用铲以垂直方式切出适量嘅肉，再加汤匙辅助放上石板，稍微压平，每面大概煎三秒，想食焦香啲，可以烧多五、六秒。芝士汉堡扒加上烧香蒜片，邪恶又好味！墨西哥辣椒和牛汉堡，铺满墨西哥辣椒粒，烧肉扒时记得拌入，呢款汉堡扒入口富肉香仲有椒香，口感更湿润，刺激惹味，爱辣人士必试！和牛乒乒乓拌饭，斋食汉堡扒可以会太腻，配个饭就最好！香浓和牛肉、太阳蛋及沙律菜加特制韩式辣酱拌匀，口感丰富！巨峰提子特饮、西柚特饮（+$18）特饮杯好得意，容量超大，前者富提子香气，柠檬片增加香气同层次，后者酸甜两种味道都几浓，整体味道唔错。