大谷倉 (已結業)

话说好耐之前同男友经过，有侍应派紧Coupon我地拎左张，系100蚊现金劵，见4月尾咁得闲就晏昼去试下呢个顶级韩牛有无料到啦！平日午市食任食牛既唔算多，本身坐低既时候都仲拣紧要顶级定精选，因为都系1++，但转头侍应已经话精选无哂货，就系咁一试试左个最贵既顶级！配菜我地都系拎左少少就算，主攻牛肉抵啲嘛！野饮都系任饮，但我地都系热饮会会员，所以都无饮到啲咩😂但后尾睇食评原来系有乳酪雪糕，无食到，蠢左添！岩岩黎到，第一碟，系有啲失望，肉味无平日本地手切咁鲜嫩多汁，肉质都差啲，但再食第二碟，又唔同左，相比第一碟肉味鲜左！男友话可能咁岩第一碟唔系咁靓！同埋仲有个重点！就系烚几秒就好食，因为真系熟得好好好好好好好好好快！其他唔同既牛我地都试左半碟，系安格斯肉味比较突出，但比较黎讲都系顶级最好！另外澳洲猪（如果无记错）系menu比较上既位置，都几好食！但最后埋单，原来之前拎既现金劵只可以晚市用，有啲失望...