影片
更多
2020-01-31
225 浏览
呢排有好多寿司铺开张，我都打返编食寿司嘅食评啦。今次去咗尖沙咀一间叫「鮨见」，食Omakase 嘅高级日式料理嘅餐厅。去之前记得要预约，因为佢铺仔细细同埋系食Omakase嘅关系，预约先去会好啲。我就约咗七点半食夜晚，夜晚有两个set，春同见。两个最大嘅分别应该系见会有大拖罗食到同海胆杯。前菜有几样，首系渍物，墨鱼仔面根同青瓜配上少少胡麻酱同酸汁，甜甜酸酸几开胃。跟住系𩽾𩾌鱼肝都系配酸汁，初尝试，唔油唔腥，鹅肝嘅质感咁。唔知点解通常有得食𩽾𩾌鱼肝，都会有白子。无错，之后系白子，但佢就配埋海胆一齐。白子本身冇咩味，但好滑好creamy，两样加埋个质感好浓厚，冇咁寡。海胆都好新甜。跟住食茶碗蒸，就好似蒸滑蛋咁，但配料有鸡肉同茶树菇，好滑好味。之后到刺身，有䲠鱼，姐系马鲛、鲷鱼、池鱼、鲍鱼，鲍鱼刺身佢系摆系一只乌龟仔嘅碟度，配上只装着鲍鱼酱嘅乌龟仔碟，好得意。食完刺身仲有啲酱，师傅会初一旧饭俾我哋食埋啲酱佢，好满足。之后重有两样系特制嘅，其中一样系由北海道帆立贝做底然后摆啲吞拿鱼碎加飞鱼子起中间然后面头铺上一条甜虾，相当丰富。之后大拖罗都唔系咁单一嘅食法，佢个底都系有一旧吞拿鱼好似粒骰仔咁样
今次去咗尖沙咀一间叫「鮨见」，食Omakase 嘅高级日式料理嘅餐厅。
去之前记得要预约，因为佢铺仔细细同埋系食Omakase嘅关系，预约先去会好啲。
我就约咗七点半食夜晚，夜晚有两个set，春同见。两个最大嘅分别应该系见会有大拖罗食到同海胆杯。
前菜有几样，首系渍物，墨鱼仔面根同青瓜配上少少胡麻酱同酸汁，甜甜酸酸几开胃。
跟住系𩽾𩾌鱼肝都系配酸汁，初尝试，唔油唔腥，鹅肝嘅质感咁。
唔知点解通常有得食𩽾𩾌鱼肝，都会有白子。无错，之后系白子，但佢就配埋海胆一齐。
白子本身冇咩味，但好滑好creamy，两样加埋个质感好浓厚，冇咁寡。海胆都好新甜。
跟住食茶碗蒸，就好似蒸滑蛋咁，但配料有鸡肉同茶树菇，好滑好味。
之后到刺身，有䲠鱼，姐系马鲛、鲷鱼、池鱼、鲍鱼，鲍鱼刺身佢系摆系一只乌龟仔嘅碟度，配上只装着鲍鱼酱嘅乌龟仔碟，好得意。
食完刺身仲有啲酱，师傅会初一旧饭俾我哋食埋啲酱佢，好满足。
之后重有两样系特制嘅，其中一样系由北海道帆立贝做底然后摆啲吞拿鱼碎加飞鱼子起中间然后面头铺上一条甜虾，相当丰富。
之后大拖罗都唔系咁单一嘅食法，佢个底都系有一旧吞拿鱼好似粒骰仔咁样跟住中间铺住海胆，然后系火炙着咗嘅大拖罗卷着佢地，非常甘甜同埋充满鱼油嘅香味。
跟住到寿司，有池鱼、油甘鱼、赤贝、牡丹虾、北海道帆立贝+大拖罗，同埋净大拖罗寿司。
4 浏览
0 赞好
0 留言
寿司我觉得最好食嘅系佢嘅饭，暖暖地配埋佢特制嘅酱汁甜甜地好好食。
师傅除咗一边整就会一边介绍系咩啊，当然佢都会表演佢嘅「工㗎」啦 。
食完寿司跟住就食海胆杯，海胆杯有四样嘢组成，底层系寿司饭，跟住系鱼子，海胆，同埋面头有一只甜虾。海胆一如之前咁好甜，甜虾都系，鱼子都系有少少甜，同埋好有海鲜味。
如果钟意食海胆嘅，呢个将会系你哋嘅最爱。
跟住系吸物，姐系汤。好浓香嘅金目鲷鱼汤，非常鲜甜，好好饮。
之后系甜品，系新鲜嘅北海道哈密瓜，佢系即开即切俾我哋嘅，非常甜好香好好食。
师傅佢会留意我哋食嘢嘅速度已准备下一道菜色，每食完一道，佢先会上另外一样，都好贴心。
另外值得一提嘅系佢杯茶，好香嘅玄米茶，好好饮。
我觉得食寿司刺身等配玄米茶会好过绿茶。
今晚呢餐好丰富，由于唔知道自己会食咩，所以食咗好多未试过嘅野，好满足。
1 浏览
0 赞好
0 留言
张贴
