La Bons Cafe (已結業)

今日同女朋友经过呢间餐厅, 觉得气氛唔错, 价位又唔贵, 决定一试。坐定定之后就叫左一个蒜片烟鸭丝辣椒天使面同烧鲷鱼餐, 另外叫左芝士焗蚝。先黎个餐汤同饱, 汤系青瓜忌廉汤, 都唔错, 然后焗蚝上枱, 但我同女友都觉得麻麻地, 我果只仲有少少沙… 紧接主菜上场, 个人主观以为辣椒天使面会spicy d, 但原来辣椒只系得少少, 只系有系轻轻既蒜味, 但系都算唔错, 而另外既烧鲷鱼既面应该有一层沙律酱, 食落冇咁油腻, 但鱼本身就唔系咁突出, 而由于我地食完都好饱, 结果就冇试呢度出名既心太软。其实餐厅气氛都算唔错, 但由于枱比较近, 好多时隔离枱大声少少都会好"入咪'"(我地就不幸地坐左0向个大声又长气既女仕隔离), 所以你话二人世界的话就唔太理想, 但收得呢个价位要求都唔可以太多, 食物水准如果以呢次计就只系合格, 但湾仔晚餐想气氛好少少又唔太贵既话, 呢间都系一个好选择。