張三

营业中

休息中

一个人食午餐的好处，就系想食乜就食乜，睇评论「张三」好似唔错，就date下佢先。Lunch Set选择都几多，但就主要系意粉，花多眼乱之下，拣左「菠菜烤鸡忌廉意粉🍝」，贪佢有啲菜健康啲。是日餐汤系西兰花忌廉汤/罗宋汤，咁当然拣前者啦，特别啲嘛😂😂😂。果然无令我失望，个汤好滑☺，食到西兰花碎，味道就偏清淡但我接受到。饮左一半，意粉来了😎初初谂过「忌廉」会好似Carbonara 咁漏，上碟一睇酱汁竟然唔杰身😲，因此食完都唔觉饱饱济济，而且味道都不俗。菠菜的份量唔会hea俾交货，仲配有少量杂菌😍。意粉用蒜蓉炒过，够晒惹味，软硬度亦适中。抵赞的系鸡扒煎得好香，同时保留到肉质嫩滑👍👍👍；唯一不足就无乜鸡味 (唔系用鲜鸡无办法啦)。留意返…餐厅地方唔大，如果lunch time唔早少少嚟，就要排一阵啦。另外店员唔多 (一位负责厨房、一位负责水吧+收银、一位楼面)，所以想额外叫小食，需要等较耐时间，因为会处理晒lunch set order先。题外话…唔好信google map讲的位置😒，应该要再行过一个街口先啱 (即邮局附近)。