初遇

营业中

休息中

好鍾意周圍食野的我 ，今日行經粉嶺名都商場2樓《初遇》。《初遇》午餐選擇都幾多，台灣拌麵/湯麵/滷肉飯（配不同肉類）加一杯台式飲品，都係由$5x起，屬高性價比。但原來呢度嘅下午茶餐，更加抵食，價錢由$3x起。下午茶餐---大腸麵線拼淡水滷肉刈包🥢大腸乾淨肥美，有咬口，麵線湯底有麻油香，入口順滑，加入酸醋，有碗仔翅味道。🥢刈包饀料有鹹菜，滷肉，滷肉鹹鹹甜甜，味道香濃，刈包軟綿，整體味道配合適中，口感好。🥢鮮奶紅豆手工芋圓味道好清甜，紅豆冰加芋圓，紅豆入口軟腍，芋圓軟糯，口感豐富。🥢古早起司芋泥肉鬆蛋餅$46蛋餅煎至脆皮，加入香甜芋泥，鹹香拉絲的芝士，肉鬆，味道鹹鹹甜甜，口感香脆煙韌，好好食。