影片
更多
2016-10-16
573 浏览
同屈小姐系城门水塘玩左半日，饿啦，专登搭车入屯门去食夏面馆，就系为左嫩鸡煨面…仲记得赖生细个时(都仲未遇到屈小姐)，去过夏面馆食过佢既嫩鸡煨面，印象中系几好味既，所以胆粗粗话要带屈小姐黎食!我地之前用72折买左团购，限左下午茶或者夜晚8:30后用。谂住下午茶平啲可以试多几款，就plan好今日尼用左佢啦！其实屈小姐都偏爱上海菜既，佢都钟意食小笼包呀，锅贴呀，等等等等既上海野，所以佢对上海野系有要求嫁!间野系几好坐既，一坐底就奉埋茶，杯茶仲几好饮添! 但入到去先知用团购系净系可以叫正价野不过无所谓啦，一场尼到就试下啦！当我地打开个menu睇到油菜既价钱时，顿时觉得呢间都偏贵喔!一碟油菜要38蚊，唔抵食，所以我地两个菜果最后都系无叫到!谂左一轮，我地叫左5样野1) 嫩鸡煨面 (3.5星)- 面质弹牙兼具滑!- 鸡肉粒同菜都好多- 个汤都清甜既，但系唔够热…而且做唔到将d鸡味逼入个汤同d面度…印象中，比赖生细个食既系差左…2) 蒸鲜肉小笼包 (2星)- 一只好既小笼包，要皮薄，馅靓，多汁，够热，但佢…- 重大死症 : 唔够热- 个包皮底果度都算中中庭庭既，但顶果度呢，就超厚…食完有饱感- 入面
仲记得赖生细个时(都仲未遇到屈小姐)，去过夏面馆食过佢既嫩鸡煨面，印象中系几好味既，所以胆粗粗话要带屈小姐黎食!我地之前用72折买左团购，限左下午茶或者夜晚8:30后用。谂住下午茶平啲可以试多几款，就plan好今日尼用左佢啦！
其实屈小姐都偏爱上海菜既，佢都钟意食小笼包呀，锅贴呀，等等等等既上海野，所以佢对上海野系有要求嫁!
间野系几好坐既，一坐底就奉埋茶，杯茶仲几好饮添! 但入到去先知用团购系净系可以叫正价野不过无所谓啦，一场尼到就试下啦！当我地打开个menu睇到油菜既价钱时，顿时觉得呢间都偏贵喔!一碟油菜要38蚊，唔抵食，所以我地两个菜果最后都系无叫到!
谂左一轮，我地叫左5样野
1) 嫩鸡煨面 (3.5星)
- 面质弹牙兼具滑!
- 鸡肉粒同菜都好多
- 个汤都清甜既，但系唔够热…而且做唔到将d鸡味逼入个汤同d面度…印象中，比赖生细个食既系差左…
2) 蒸鲜肉小笼包 (2星)
- 一只好既小笼包，要皮薄，馅靓，多汁，够热，但佢…
- 重大死症 : 唔够热
- 个包皮底果度都算中中庭庭既，但顶果度呢，就超厚…食完有饱感
- 入面既汤汁，唔系好够鲜味，而且唔够多..
- 唔点醋食完全唔好食…
3) 蒸银丝卷 (3星)
- 一条好既银丝卷，要带微甜，软熟，内部可以一丝丝就撕出黎既
- 呢度个银丝卷做到微甜啦!
- 但部分外皮太硬，导致内部可以撕出一丝丝既位唔多，只有少量一丝丝既效果
4) 锅贴 (2星)
- 唯一可取之处系: 底煎得好脆同够热
- 太细只，锅贴大只d先好食，佢细到同湾仔码头既饺子差唔多
- 油得济+皮太厚食一只就饱饱地
- 馅呢，就冇乜汁
5) 哆唻咪 (4.5星)
- 如果要我地食多次呢间野，呢个就系唯一既理由!
- 佢用左生拆蟹肉+蟹粉炒个羮出黎，蟹粉加埋蟹肉既鲜味，好鲜!加上河虾仁去炒，超弹牙!呢个配搭好ok!
- 要特别赞既，系佢配左碟醋比你，初时我地冇加到，怕佢会遮晒个蟹鲜味，但原来唔系既，加左去仲正，入口会先有少少醋酸味，再黎蟹鲜既冲击! 令蟹鲜味更出! 好似d醋清洗一洗你味蕾，等你可以品尝到更鲜既味道!
- 点解系4.5星呢! 因为佢有一粒仔蟹壳拆漏左，差d整到屈小姐
不过实在有d贵…CP值唔够我谂我地都好少会再去!
#劳动过后要食好西
#皇帝脷练成中
哆唻咪
$98
107 浏览
0 赞好
0 留言
窝贴
25 浏览
0 赞好
0 留言
张贴
