海灣漁港

营业中

休息中

早几个月之前，呢个位置系百汇轩，果时经过揾朋友都有食过下，叫做不过不失。估唔到咁快居然已经转左手仲开业埋，咁我地见新开张，就试下咩来历。食左：千岛酱薄罉、鲜虾肠粉、牛肉球、煎虾多士、烧卖、凤爪、腐皮卷其他无影相，但我想讲，个虾多士系两片面包夹住虾滑来煎，仲铺满左芝蔴，其实应该系几好食。但系可惜如果要令啲虾滑够熟，果两片面包就要煎到好油，变相好腻好腻。同个经理反映左之后，佢地都好有心即时话会改进，咁我地嗌左就照食啦，最多食剩一半。但后尾经理话会改良、减去另一片面包，无咁油而且啲虾滑可以直接煎香。呢啲服务真系加分，我认为下次可以去试下（其实到而家都未再经过间店）。烧卖系 $13.8 两件，个人觉得最好一啖食晒个烧卖佢，因为拆开上面只虾来食的话会有少少雪味，但个烧卖又无乜肥猪肉几爽口，唔会腻。以呢个价钱黎讲，已经好抵好抵了。黎到坐低有个靓靓新装修环境、有个好服务态度，两个人星期日饮早茶计埋加一 $200 都唔洗就落到楼，以而家市道黎讲真系好良心价了。凤爪同腐皮卷都算水准之中，凤爪个汁好浓味、腐皮卷块腐皮够香脆。