板燒郎燒肉鐵板放題料理專門店 (已結業)

喺Facebook见到呢间餐厅做紧宣传，见到有泰式喇沙汤底，就决定试吓佢咩料先。一开头唔系即刻食火锅，而系食铁板烧先。二菜单A B F全部都系要自己烧既，其他就系熟食寿司同埋刺身，肉类选择都有三款主要系羊 牛 猪。不过我哋唔系几钟意食生冷野所以就冇食到寿司同埋刺身。天妇罗同掦物都唔错，推介海虾天妇罗同吉列炸蚝，新鲜又大只，炸得啱啱好。但系就唔系几钟意南瓜同埋番薯天妇罗。去到今次来既目的，铺满晒海鲜嘅火锅，卖相好吸引，睇落去都几正，喇沙汤酸酸甜甜，令到胃口都大增，加上海鲜之后有种鲜甜嘅味道，搞到我哋系咁叫职员帮我地加汤，但系美中不足嘅系佢哋嘅火唔系好大，搞到都要等少少耐，但系见佢味道几好食就算啦。不得不提及嘅系入面系有龙趸肉同埋阿拉斯加长脚蟹😏，虽然份量唔系好多，食得出个味道同品质都唔差，中间仲可以用来烧肉添，但系好容易成日都烧到成旧炭。仲有餐单D系可以叫泰式食品同埋炒菜，有我最钟意嘅炒通菜，师傅技术都几好，好食都要叫两碟。最后食埋甜品就埋单，每人三百五左右，有少少贵但系都叫做值得嘅。