秋香 (康景花園)

营业中

休息中

忙碌咗一个星期，终于到周末。同朋友去到置乐嘅转角，见到间怀旧风特色居酒屋，秋香。墙上挂上「别人笑我太疯癫，我笑他人看不穿。」。不在意别人嘅看法，只系自己，呢个理念体验系都餐厅上，唔系一般嘅日式居酒屋，而系fusion多国菜。系疫情下，新推出全日menu，选择点左四个主菜share，一于食晒多国菜。朋友C之前食过晚市，都推介煲仔饭。招牌白鳝滑蛋豆腐煲仔饭，暖笠笠，最适合呢个得10度，风雨交加嘅下午。白鳝大大旧，鱼肉肉质仲好滑，有鲜味。滑蛋铺满晒饭面，仲有啲杂菇，有啲似日式嘅滑蛋饭，不过系有香口嘅饭焦。泡菜豚肉炒韩式年糕，一听就知道系韩式嘅代表。豚肉片肥瘦适中，预先煎过，所以好香口。简直系啖啖肉，豚肉片仲多过年糕。辣得来带少少甜，酱料调制得唔错，当然对本身爱泡菜嘅我唔会好辣。日式嘅代表点咗手工汉堡饭配牛肝菌汁日式弁当。手工汉堡好厚身，咬落有好浓嘅牛味，唔会比牛肝菌汁盖过。西式有红酒烩牛舌饭。与其话牛舌，不如话有好多牛腩，煮得够淋，够入味。总括而言，最欣赏都系煲仔饭。希望开返晚市嘅时候，再嚟秋香食唔同口味嘅煲仔饭，同埋朋友C所推介嘅粟米沙律。