Another One (已結業)

以118蚊一个午餐黎讲，唔算好贵又唔算平，始终位于尖沙咀区，觉得要有番咁上下质素先收货。餐厅环境好别致，唔系奢华装修果种，但给人一种好舒适的感觉，颜色都以平实为主。水同水杯要自己去counter攞，落order都系自己去counter同比钱先，佢地会比个牌仔你返回自己座位等就可以了，之后会有人送餐去你座位。当日叫左两个餐。新鲜沙律，香茅鸡扒双色捞檬，冻蜜桃茶，沙律好新鲜，好有越南风味，一食就觉得自己身处越南，香茅鸡扒双色捞檬就檬粉太少，4啖就无哂，唔觉得双色在味道上有乜野分别，不过疏菜底劲多，捞埋一起加越南特色甜醋食，又真系觉得越南既感觉返哂黎。另一个餐，每日餐汤-磨菇汤，烟三文鱼牛油果蛋牛角窝夫，唔系讲少，估唔到餐汤磨菇汤超好味，呢个窝夫系我极力推介，三文鱼、牛油果、窝夫系味道上系绝配，好鬼夹，有惊喜，会试下返屋企自己整。本来想试埋个人气食物-流心芝士虾多士，可惜已饱，不过隔离枱有order，望到个样都知道一流，再次必定再光顾同试埋佢地既流心芝士虾多士。