食意 (已結業)

朋友去深水埗买电话咭，真系又平又多选择。买完之后，行返去荔枝角道揾巴士搭，经过见到呢度有间新嘢，之前未见过。原来系意大利餐厅，呢区真系少见。朋友话，横掂未向深水埗食过意大利菜，不如试下。餐厅都几简洁别致，仲吊起啲蒜头和火腿作为装饰，都好几特别喔!先叫咗一壶Earl Grey Tea饮下先，原来系名牌子Twinings，都好揼本，饮落好舒服。跟住落order，叫咗一份意式焗烤千层茄子做前菜，主菜就叫咗日晒番茄鱼酱配黑鳕鱼和美国IBP西冷配火箭菜及巴马臣芝士。前菜、主菜未到，侍应哥哥就送咗一份小食来，系餐厅特制的薄饼和黑醋番茄嚟。最初望见啲薄饼感觉会好油腻，但原来搽咗啲黑醋番茄来食，就完全无呢种感觉，反而觉得两者食落好夹，薄饼好香脆，黑醋番茄惹味又开胃。【意式焗烤千层茄子】一睇就知系好考厨师手艺，将啲茄子切成一片一片，夹叠番茄、芝士，层层叠叠将焗成，外边仲有好多焗番茄酱添。个卖相无得顶，厨师真系别具心裁。茄子好腍好香，番茄酱好浓。呢道意式菜，以前从未食过，今次竟然可以在深水埗食到，真系天意。【美国IBP西冷配火箭菜及巴马臣芝士】虽然叫咗七成熟，但牛扒依然嫩。上面仲有好多芝士，有部系更加系溶