臻 (已結業)

星期6约左妈咪系西环饮茶，今次去左一间以手工点心做主打既新式茶楼 臻。佢既地理位置超方便，系香港大学站山道B出口隔离。 规模唔算大，但坐满坐客人，仲会见到点心师傅系度整点心添。睇完个menu，见到佢地写住茶钱每位HKD 5,免收加一。食物就叫左傻猪叉烧包 (3个，HKD 33)杏香荔茸鸭 (3只，HKD 38)，一笼相思 (3个，HKD 38)，同埋凤爪排骨蒸饭配3款点心(松茸素菜饺，金箔墨汁芝士虾饺，富贵金鱼饺，HKD 48)。佢地整出黎既点心真系维肖维妙。简单既叉烧包整到只好似猪咁，劲可爱，差点唔舍得食。 荔茸鸭其实就系芋角，味道唔错，但佢地真系整到成只鸭仔咁，认真唔容易。至于一笼相思，佢地系酸酸地既puff，卖相就以雀笼内面放只相思雀。好贴题呀，味道几特别。至于个蒸饭，味道都几好，仲有虫草花添。另外个3个点心都整得好出色。睇得出艺术同中国饮茶文化既cross over，大家得晴闲都黎试下呢间手工点心茶楼啦。收费就可以用现金，信用卡或者8达通都得。