金公館 (已搬遷) 新店位置

我好钟意呢度嘅设计，亦都好钟意呢度嘅菜式名称。餐厅设计嘅非常之古色古香，连小菜嘅名都非常之特别例如三顾草庐，空城之计，白雪藏龙。金缕浴衣听个名会唔会估到佢系啲乜嘢呢？原来系就系蒜泥白肉，好香嘅蒜蓉味加埋辣辣地嘅辣椒油，令到一片片好似浴衣咁嘅猪腩肉变成金缕。招牌口水鸡，滑滑嘅鸡肉，就算系雪冻左肉质仲系好滑，唔会韧。上面啲辣汁有少少辣，但系又唔会抢咗鸡嘅鲜味，恰到好处。空城之计，系南瓜入边掏空咗个心，加埋啲排骨入去蒸，享受自然的南瓜清甜，系食川菜嘅刺激过程中会有一啲缓和嘅感觉。再整返个五代同堂炒，用五种唔同嘅虾制品来炒个饭，有鲜虾仁，有樱花虾干底，凸显出唔同嘅虾嘅味道。往往我都好钟意拣啲名特别啲嘅嚟叫，就知唔知道佢系啲乜嘢嚟都想叫，就系想期待拒嘅出现。