小包包 (Fashion Walk)

营业中

休息中

星期日同老公出铜锣湾Little Bao食晚餐。LB凯撒沙拉沙律菜爽脆，用炸蒜代替面包粒。黑松露薯条薯条系幼薯，炸得脆，黑松露酱好香，份量十足。紫菜炸墨鱼脆脆墨鱼丸几弹牙，热辣辣。慢煮牛腩骨煎饺一咬就流汁，牛肉嫩滑，非常多汁。LB美式牛肉包由安格斯牛肉、洋葱木鱼沙律酱、车打芝士、番茄、大葱紫苏叶组成，用中式包夹住，别有一番风味。担担辣鸡包呢个系每月限定既包，由炸三黄鸡、担担辣酱、烟熏蒜辣酱、旺菜组成，食落口真系有担担面既味道，辣鸡炸得香脆，要注意真系非常之辣，嗜辣人士可以挑战下。盐味雪糕包个包似炸馒头，唔油腻，加左焦糖酱，雪糕好快溶，要快啲食。绿茶雪糕包细细个，食两个都得，岩晒做饭后甜品。饮品叫左1842 Island同Chrysanthemum Lemonade。