影片
更多
2023-04-13
903 浏览
朋友钟意食海南鸡，上网见到呢间嘅海南鸡唔错，仲有佢钟意肉骨茶，所以就去试吓啦。入到去见到装修都好有新加坡嘅小店格局，仲有见到好多唔同嘅梳打水樽令到变到好似更加小店嘅感觉，座位亦都十分阔落。 分别同朋友嗌咗个李派海南鸡饭，佢就叫咗个海南鸡饭之外，再拼埋肉骨茶。海南鸡饭包咗一个汤一大碗油饭同埋海南鸡，碗汤入边有好大旧冬瓜，所以成碗汤都好清甜，海南鸡饭份量丰富且吸引。海南鸡仲要有鸡髀及鸡翼。鸡肉就已经去骨，食起黎非常方便。鸡肉嫩滑，同平时海南鸡有啲唔同，佢相对上系有少少余温，底仲有一层脂肪啫喱，唔会话好干，鸡味浓郁。油饭相对上冇咁黄，但系食落去鸡油味都好重，粒粒分明。配菜嘅青瓜亦都非常爽口。佢配上嘅酱都系十分之高质，姜磨到非常之柔滑，所以食落去唔会话好辣，而豉油呢就系相对上比较浓厚同洁身，点完捞饭食啱啱好。最后肉骨茶嘅白胡椒味及蒜头味比较浓，偏向新加坡风味。除此之外，入边仲有大旧猪骨，猪骨好淋，肉骨分离好容易，非常容易入口。椰汁芋圆三色芋圆烟韧软熟，非常之甜滑，而且大大粒，份量足够，除咗芋圆之外，亦都有啲绿色嘅啫喱。而且椰香味浓，唔会系死甜，同甜品舖有得挥，两个人一碗嚟食，已经啱啱好。饮品方
分别同朋友嗌咗个李派海南鸡饭，佢就叫咗个海南鸡饭之外，再拼埋肉骨茶。海南鸡饭包咗一个汤一大碗油饭同埋海南鸡，碗汤入边有好大旧冬瓜，所以成碗汤都好清甜，
海南鸡饭份量丰富且吸引。海南鸡仲要有鸡髀及鸡翼。鸡肉就已经去骨，食起黎非常方便。鸡肉嫩滑，同平时海南鸡有啲唔同，佢相对上系有少少余温，底仲有一层脂肪啫喱，唔会话好干，鸡味浓郁。油饭相对上冇咁黄，但系食落去鸡油味都好重，粒粒分明。配菜嘅青瓜亦都非常爽口。佢配上嘅酱都系十分之高质，姜磨到非常之柔滑，所以食落去唔会话好辣，而豉油呢就系相对上比较浓厚同洁身，点完捞饭食啱啱好。
最后肉骨茶嘅白胡椒味及蒜头味比较浓，偏向新加坡风味。除此之外，入边仲有大旧猪骨，猪骨好淋，肉骨分离好容易，非常容易入口。
椰汁芋圆三色芋圆烟韧软熟，非常之甜滑，而且大大粒，份量足够，除咗芋圆之外，亦都有啲绿色嘅啫喱。而且椰香味浓，唔会系死甜，同甜品舖有得挥，两个人一碗嚟食，已经啱啱好。
饮品方面，青柠蜜解渴之余又开胃醒神，蜜糖亦都香甜，整体非常清爽。热情果芒果沙冰，亦都系啲冰打得好够，说唔会话有食冰嘅感觉，饮落去亦都好浓味，唔会话系非常之淡味，解热一流，十分透心凉。
见佢除咗依啲新加坡菜式之外，都有其他串烧同埋海鲜等等，下次会再试吓其他嘢。
张贴
