李公館

营业中

休息中

上个礼拜落咗成个星期嘅雨，都冇机会行远少少食lunch，咁见今日天气咁好，风和日丽，就约埋D同事一齐出去食吓饭啦，咁三五成群𠮶阵，最好就紧系去饮茶啦~ 于是我哋就去咗公司附近李公馆试吓，几年前都知呢间餐厅攞过米芝连，但嚟到先至发现原来别有洞天。小小嘅楼面却非常骨子，地方唔大，但又唔会一味加枱或者收窄D通道，令到地方好细好逼；相反，足够嘅空间反而令粤式饮茶体验得到最好嘅诠释，而喺呢个寸金尺土嘅土地上，留白系一件非常宝贵嘅事。讲咗咁耐都未入重点添，我地一行四人，叫咗几笼佢嘅拿手点心同埋一客笼仔蒸龙趸头腩糯米饭，样样都好好味。但就个人嚟讲，呢个笼仔饭真心正！皆因睇个样唔觉得有几劲，而真实嘅味道就200分，呢种冇期望之下所获得嘅喜悦，用“好味”、“意外之作”呢D咁嘅形容词都已经唔够，简直应该用“惊为天人”嚟表达我内心嘅𠮶份意外感。龙趸头腩经过土法蒸煮，鲜味得到充分嘅保留，同时因为用蒸煮嘅方式，鱼油同食油喺每一粒糯米之间停留、吸收，令糯米软糯醇厚嘅香味无缝揉合油甘之香，更令口腔内每一𠻪嘅体验得到全方位嘅享受，而呢一种做法简单、味感鲜活嘅用餐感受，令原来已经难得嘅闹市饮茶体验，得到更进一步嘅升华，