影片
更多
2021-04-29
410 浏览
餐厅喺金巴利道，其实之前已经过好多次，每次都系擦身而过。今日经过见到佢嘅晚餐做紧买一送一，而且仲有石烧㖞，好吸引啫，go~ 原来呢间餐厅系做蒙古菜！门口唔系面向大街，而系要喺侧边入。一入到黎就见到好有特色、情调嘅环境，即刻醒神晒。 店员同我哋介绍可以拣食晚餐set，亦都有自助餐提供。 听完佢讲解，我哋最终都系拣咗自助餐$278一位，点解？因为可以全部自己DIY，出面好少可以咁玩。自助吧有唔少选择，菠萝、蕃茄、蔬菜、冻虾、蚬等等，比较少见嘅系藜麦同羽衣甘蓝，材料新鲜又够晒健康。除咗有啲炸物同热盘之外，烤牛面颊、羊肉梗系要食啦。即叫即切，最好系佢仲有个煎盘，可以自己煎香佢，热辣辣味道会好。牛面颊肉质嫩滑牛味重，食咗几次！ 羊肉唔系好大片，唔会膻，encore。重点嚟喇！ 就系pizza同埋蒙古铁板烧！！ 三款pizza底：印度薄饼、墨西哥薄饼、意大利薄饼，可以自己加底酱，搽好之后可以拣配料，海鲜、猪、牛、鸡肉、菇类乜都有。 砌好之后就可以交俾师傅攞去焗，焗完就会有专人送去你张枱。摆得美美的，好有成功感。我哋拣咗印度薄饼，酥脆、牛油味香。另一个特色系蒙古铁板烧，自己拣材料同酱汁，师傅就会帮你
门口唔系面向大街，而系要喺侧边入。一入到黎就见到好有特色、情调嘅环境，即刻醒神晒。
店员同我哋介绍可以拣食晚餐set，亦都有自助餐提供。 听完佢讲解，我哋最终都系拣咗自助餐$278一位，点解？因为可以全部自己DIY，出面好少可以咁玩。
自助吧有唔少选择，菠萝、蕃茄、蔬菜、冻虾、蚬等等，比较少见嘅系藜麦同羽衣甘蓝，材料新鲜又够晒健康。
除咗有啲炸物同热盘之外，烤牛面颊、羊肉梗系要食啦。即叫即切，最好系佢仲有个煎盘，可以自己煎香佢，热辣辣味道会好。牛面颊肉质嫩滑牛味重，食咗几次！ 羊肉唔系好大片，唔会膻，encore。
重点嚟喇！ 就系pizza同埋蒙古铁板烧！！ 三款pizza底：印度薄饼、墨西哥薄饼、意大利薄饼，可以自己加底酱，搽好之后可以拣配料，海鲜、猪、牛、鸡肉、菇类乜都有。 砌好之后就可以交俾师傅攞去焗，焗完就会有专人送去你张枱。
摆得美美的，好有成功感。我哋拣咗印度薄饼，酥脆、牛油味香。
另一个特色系蒙古铁板烧，自己拣材料同酱汁，师傅就会帮你整，一个铁锅上枱！必试蒙古酱，味道浓郁惹味。
最后可以食埋西瓜同埋啲小甜品，nice~~
张贴
