三川居酒屋 (已結業)

餐厅系地库位置，一入到去感觉好似身在日本，满满东瀛风，以木为主，仲有一个个草屋咁嘅卡位，再播埋香港人嘅歌，心情都特别好。非常时期，入到坐底就见到每张枱都有一支消毒消毒双手，仲会比四张纸巾你抹咀同包口罩，仲有消毒湿纸巾比你抹电话，相当贴心，令你食得安心。环境同服务好之外，食物质素都相当高，做到色香味俱全，见到咁多都话刺身同菇批正，我都叫黎食下真系好好味。今次叫左四样，每人平均$320。牛油果三文鱼野菜沙律 $88酱汁用左日式和风汁，酸酸甜甜，特别开胃。三文鱼份量都唔少，非常油润鲜嫩，配上滑口牛油果，相当美味。二人特选刺身盘 $298 一盘有七款刺身，色彩缤纷，晶莹通透，好新鲜，完全无腥味无雪味，仲要厚切大块。鳗鱼牛油果加洲卷 $98 鳗鱼热辣辣，软嫩口感，无渣无腥。而且个鳗鱼汁同沙律酱分量配得几好，唔会太多令到味偏埋边。面头上仲加左木鱼片，食落多左个份香味。明太子蟹肉酱焗蚝肉磨菇批 $98 一碟两大个，表面满满嘅明太子，味道甜甜地，味道浓，食落相当Juice，而且啲蚝唔腥，份量都几多。