Cupping Room Coffee Roasters

营业中

休息中

观塘Cupping Rom咖啡就饮得多，里面仲有间西餐厅都唔错，呢日同埋屋企人一齐嚟食晚餐，再去行观塘花市。午市及晚市菜单都系$108起，价钱非常亲民，最重要系食饱饮叹Cupping Room嘅咖啡！💚招牌忌廉鸡肉意粉职员好贴心，见到系小朋友食，建议我哋order走辣。酱汁浓厚，奶香浓郁，意粉非常挂汁，食落满口奶香。💚香橙柠檬三文鱼扒三文鱼鱼油充足，食落顺滑，香橙柠檬清新，口感可以减低肥腻感，仲有仪碟酸瓜，我都食晒！💚纽西兰肉眼牛扒点了7成熟，炭香味十足，火候掌握刚刚好，肉质细腻，口感丰盈，简单黑椒盐炭烧已经够晒好味。💚蓝莓芝士蛋糕💚栗子麻糬芝士蛋糕呢间啲芝士蛋糕系保证好食，第一次食栗子麻糬芝士蛋糕，简直惊艳，口感棉密烟靭，芝士奶香浓郁。💚Latte💚Coconut Matcha Latte够Nutty够香，通常我钟意饮latte，奶香同埋咖啡真系最夹。仲有杯Coconut Matcha Latte冻饮，第一次试呢种配搭，原来都几好饮。估唔到外面系coffee shop入边系咁靓咁高质嘅西餐厅，下次再约埋朋友过嚟食。