神經餵飼 (已結業)

今晚早早就约朋友食晚饭，5:30可开始点餐，而店内只有一台客人。最低消费每人一杯饮品，我地点左百香果柚子香橙梳打，杂莓蜜桃梳打同覆茶。可以选择的菜式唔多，但估唔到每款都好好味，点左温泉蛋泡菜豚肉丼、明太子伴鸡肉亲子丼、牛油果蟹肉法式多士同野菌麻婆豆腐饭(素)。牛油果蟹肉法式多士我地一致大赞，口感清新，带有微甜，而多士好脆，整个配搭天衣无缝。👍🏻👍🏻野菌麻婆豆腐饭(素)一上台以为平平无奇，以为会好清淡，估唔到呢个素饭系重口味，个人唔太食得辣，觉得都几辣下，但朋友就觉得好味。😋见店内细细，唔讲唔知，原来仲有2楼，于是系等餐中上左2楼望望，上面需要脱鞋，环境清静，周边都系干花、手工艺品摆设，而这些干花、摆设全部都出售，有兴趣可以买返屋企。下次可以叫埋一班朋友去2楼，隐蔽又舒适，饮杯野，吹下水，度过一个休闲下午，非常适合。