施心畢老撾餐廳

营业中

休息中

约咗朋友喺中环食饭，系openrice见到呢间餐厅， 见未食过又有得留位就试下，试过发现有惊喜。我叫咗个椰子汤香茅猪扒米跟餐饮热奶茶。椰子汤清清地，味道好啱我， 啲粉嘅粉质介乎于平时食嘅米粉同面线之间， 未试过但系好味，非常独特非常推介。 香茅猪扒香味足够分量合适， 而且分汤上， 但炸得偏干， 如果下次再食会选择其他𩠌。 其中比较惊喜系佢只热奶茶有一种独特嘅香味，唔知点形容，可能系我未试过嘅茶叶，唔知系唔系另外加咗香料。 而且就同区餐厅而言，价钱唔贵， 大家经过都可以试下。