阿元菜市場 (科士街) (已結業)

阿元菜市场喺坚尼地城地铁站出口对面街，我同朋友喺中环过嚟都好方便。我同朋友各人点左个现炒石头火锅，火锅会包埋自助菜篮。石头火锅真系喺你面前即场炒，所以要让个位畀阿姐炒，可以趁呢段时间去拎酱料，蔬菜同埋其他配料。蔬菜大概有十几款可以拣，不愧为菜市场。美国顶级牛小排肉质唔错，钟意食牛嘅朋友应该都会几满意。鲁肉饭肥美嘅猪肉加上香浓嘅酱汁，攞嚟送饭简直系一流。鸭血鲜嫩爽滑，喺香港比较难食到。整体嚟讲呢餐我哋几满意，虽然侍应一开始已经讲咗用餐时间系90分钟，不过我哋过咗钟都冇畀人催赶，实在唔错，呢间可以翻兜。