茶園

营业中

休息中

一般酒店自助餐卖点都系贵价食材够多，选择丰富，样样都有。但茶园就走另外一条路线，佢以西式食物为主，种类唔算多但就讲求每种食物嘅质素同特色。另外佢用餐时间特别长有四个钟，环境又非常之舒适，仲有即场音乐演奏，气氛真系无敌，旧年食过一次印象非常深刻。最近佢做咗一个65折优惠，即刻订枱！同上次比较，大部分食物水准继续高水准，包括自家制肝酱、威灵顿牛扒、羊扒、烟三文鱼，生蚝都唔错虽然比较细只但味道浓郁。另外跟餐每人会有一只龙虾，可以选择唔同煮法，我拣咗芝士焗。但有啲失望嘅系甜品，唔知系咪将货就价选择比较少，特别系之前做得好出色嘅自家制特别口味雪糕今次完全唔见，剩低嘅口味味道只系一般。另外依家好多自助餐除咗提供一杯餐饮之外都会无限提供简单饮品，例如水果茶或者果汁，但系茶园仍然维持只提供清水，要加钱先可以有其他选择，呢样希望以后可以改善。另外当晚喺有优惠嘅情况下但都未满座，真系有少少担心，希望香港餐饮业尽快复苏。