Shibui 洋食屋 (已結業)

九龙城一向出名食泰国泰，今次就同朋友们决定一反传统食下其他菜式先，见到呢间充满日式怀旧装修嘅洋食屋，气氛都好适合一班人慢慢倾下计，于是就试下呢间西日料理啦～澳洲M7和牛肉眼💰HK$198和牛肉眼只系简单点咗烧汁来食，牛味已经好出，生熟到刚刚好， 旁边嘅马铃薯泥、迷你甘荀、小粟米同秋葵都摆得好精致～日式味增鸡肉卷💰HK$138鸡肉卷入口弹牙，好Juicy，旁边苦白菜同味增马铃薯球点埋啲汁都好好味～三文鱼💰HK$138三文鱼扒下面铺满核桃同开心果碎碎，口感特别，有埋炸三文鱼慕斯球同日本枝豆泥做装饰，摆盘好别致～海鳗茶渍饭💰HK$138海鳗配几片日本子姜同埋绿茶高汤，本身听落觉得怪怪地，但捞埋一齐，又出乎意料地夹～蟹肉蟹膏扁意粉💰HK$138个意粉汁系蟹肉浓汤整嘅，有埋芝麻菜同埋车厘茄做点缀，增添咁咗唔少口感，略嫌蟹膏同埋蟹肉比较少～Cheese Cake (Cake of the day)💰HK$38海绵蛋糕底，芝士蛋糕食落去口感软滑，细细件唔会好漏～