阿叔泰麵 (西菁街) (已結業)

有一日揸车入嚟元朗，就睇下食咩黄店好，发现离大街远小小有间黄店。泊好车，向餐厅方向行，经过几间车房，正当唔觉有餐厅，就见到一个低调简约有不失美感嘅门面，仲有少少悠闲度假风情，一开门，就被餐厅嘅油画所吸引，同初初系门口嘅感觉又有少少唔同，有种同外面世界隔绝嘅感觉，真系营造到小小泰国气氛～嚟到重点食物介绍，我哋㨂咗冬阴公汤面同猪肉船面～整体嚟讲面嘅份量都几多，比起正宗船面多好多。冬险公汤面对于平时食小辣嘅我嚟讲都几辣（见到个红油就知真系辣haha），但酸辣度个比例啱啱好（我个人觉得辣多过酸少少）劝各位食唔到辣嘅朋友仔注意哦！猪肉船面有猪肉片同猪肉丸，猪肉片系厚身大块，味道普通啲，主要靠个汤底浸，重点系汤底出色浓郁，唔会过咸，个人觉得比冬阴公更有惊喜同好食﹗