首首.韓式小館 (已結業)

行过利东街，有间韩式餐厅，外表有别于一般韩国餐厅装潢较为新颖，所以决定同朋友一齐试吓。餐厅总共有两层，下层比较多卡位，上层嘅设计同cafe类同，适合朋友倾计饮嘢。手工泡菜韩式煎饼 $118118只系得两块韩式煎饼，但系性价比非常高，因为餐厅落咗鱿鱼🦑，再煎到金黄色，外边酥脆，再加上泡菜既辣味，简直系冇得弹。人参炆牛肋骨 $258大推介！牛肋骨一上菜就已经劲香， 系用煲仔上菜嘅，所以食到中途都仲好热。牛肋骨边度啱啱好，唔会韧，味道香浓，而且配菜都处理得好好，有薯仔、萝卜、冬菇，全部都炆到腍晒，入晒味，话明人参炆肋骨，梗系唔少得人参啦，厨师处理到人参一啲甘苦未都冇，索哂牛肋骨啲味，very nice！香煎韩式薯仔脆饼 $98呢个薯仔脆饼比起韩式煎饼更为酥脆，厨师用咗满满嘅薯仔丝加少量面粉，不过可能材料方面只有薯仔，味道略为单调，所以要连同韩式调味酱油一齐食。