利小館 (已結業)

周六, 行完书展, 两点几开始肚饿, 记得杂志介绍过利苑新开餐, 立即前往无订位, 原本以为要等好耐, 点知十分钟就有位, 甚好小弟及太座, 两个肚饿人, 叫咗 (睇返都有啲惊.....) :1. 莲耦𫠒鱼煲猪展 x2 (是日例汤)2. 点心 - 虾饺, 萝卜丝酥饼, 小笼包, 芋盒3. 椒盐九肚鱼4. 鸡丝炒面5. 甜品 - 枣皇糕汤不俗, 无味精, 分量足, 其实一碗都够两人用, 唔使叫两份相信各位最关心都系点心质素, 四款点心小弟都曾经系旺角利苑品尝, 味道与利苑相去不远, 水准可谓得以保持九肚鱼乃太座于Element 利苑食过, 建议小弟试试, 恭敬不如从命, 真系唔错, 香脆, 无腥味, 细细粒一啖食到鸡丝炒面, 入口不觉油腻, 面条亦无"痴"埋一旧, 好食枣皇糕为太座到利苑必然之选, 味道依旧倘若口痕痕, 忽然想食利苑点心, 利小馆都算不错选择, 食物质素可比利苑, 不过小弟两条友埋单都要三百几, 如果再多一两个人, 其实可以去利苑.......我估价钱差唔多利小馆环境就唔算太逼, 不过上菜真系快到, 张枱都唔够摆, 而且点心凉得较快, 各位一次唔好叫咁多