小城鎮 (已結業)

对上次我嚟呢度就系食佢嘅下午茶餐，记得系两杯啤酒仲有几件鸡翼，坐低慢慢倾，欣赏下呢度嘅装修感觉都几舒服。今次特登黎试吓佢呢一度嘅晚餐如何，今日系同小朋友嚟嘅，佢就指定一定要食牛扒，帮佢带咗个七成熟嘅10安士的安格斯牛扒，佢竟然可以自己一个人食晒成份牛扒仲要加埋啲薯条。牛扒嘅份量绝对唔细，略为薄身，7成熟刚好，唔会太韧，又唔会太红，无血水，岩哂小朋友食。而且佢唔会太肥，只系旁边咪有少少嘅脂肪，所以食得多都唔会有溜嘅感觉。而我个人就食咗呢一个黑松露杂菌扁意粉，我见佢扁意粉，本身就想问下会唔会有普通嘅意粉，因为我个人唔系好钟意食扁嘅意粉。但系估唔到食落去呢种扁意粉个口感系非常之烟韧，而且佢非常之挂汁，忌廉同埋芝士汁完全挂上意粉，一啖一美味。