新金榮小廚

营业中

休息中

呢间位于麒麟径嘅妹姐打冷小厨其实即系隔离新金荣啲分支，睇佢个餐牌就知。每次一嚟就系为咗佢个铁板姜葱鱼扣，佢地用嘅系乌头鱼扣，鱼扣即鱼胃，需知一条鱼只得一个，所以同鱼鳔一样要储储埋埋留起一堆先炒到个𩠌。很好此物，大概小童弯起嘅尾指咁大，个样白潺潺但入口系极爽口又唔腥，而且店家用姜葱爆佢直情系绝配，每碟虽然葱蒜较多，但都有廿几个鱼扣算系咁，极好送酒又满足嘴馋。讲完我心目中嘅主角，其他绿叶都有一定份量，否则点可开舖多年。怕全碟炸大肠太滞胃，拼炸豆腐就啱哂，大肠底下垫左几片菠萝，又解吓啲油腻。黑椒鱼云茄子煲、䜴油皇炒面都系够镬气之作，尤其炒面落好多洋葱去兜，冇一般大排档嘅令人皱眉嘅过咸，又系三扒两拨食哂。