影片
更多
2016-12-22
779 浏览
冬至㖞，公司有得放早，我地呢D𨅬街精梗系无咁快返屋企，反而系去左太子既「居庐 Take a Break」hea一hea，叹杯啡食个甜品。 响太子界限街，突然出现一间古色古香既茶室，就系佢啦。响呢度，几乎每位客人都会带埋平板电脑黎，边饮咖啡边上网，非常悠然自得！ 姜饼人朱古力 ($42)就先黎杯热饮啦！临近圣诞，要呃like就梗系叫姜饼人饮品 (其实餐单原本系姜饼人Latte，但我唔太饮咖啡，所以转左Hot Chocolate)，面头系一个好可爱既ginger bread公仔，相机食饱我再饮，好香朱古力味，但唔会太heavy，仲有胃食其他野！ 番茄芝士薄饼 ($68)食Pizza我钟意食简单既，呢个番茄芝士就啱晒我，原块新鲜番茄+劲多芝士，面头有少少黑椒调味，酸酸地带微辣，饼边香脆，开胃好食。 焗烟熏德国火腿牛角包配榄油杂菜沙律 ($68)Pizza做得出色，我地即时encore个牛角包，果然同样出众！牛角包充满牛油香，而且烤得松脆，一切即散；芝士同火腿永远系绝配，咸香惹味，夹埋酸酸甜甜既沙律酱，非常好。 紫薯草莓松饼 ($88)花花造型，又系呃like之选！面头系香芋雪糕，每一格窝夫都
响太子界限街，突然出现一间古色古香既茶室，就系佢啦。响呢度，几乎每位客人都会带埋平板电脑黎，边饮咖啡边上网，非常悠然自得！
姜饼人朱古力 ($42)就先黎杯热饮啦！临近圣诞，要呃like就梗系叫姜饼人饮品 (其实餐单原本系姜饼人Latte，但我唔太饮咖啡，所以转左Hot Chocolate)，面头系一个好可爱既ginger bread公仔，相机食饱我再饮，好香朱古力味，但唔会太heavy，仲有胃食其他野！
番茄芝士薄饼 ($68)食Pizza我钟意食简单既，呢个番茄芝士就啱晒我，原块新鲜番茄+劲多芝士，面头有少少黑椒调味，酸酸地带微辣，饼边香脆，开胃好食。
焗烟熏德国火腿牛角包配榄油杂菜沙律 ($68)Pizza做得出色，我地即时encore个牛角包，果然同样出众！牛角包充满牛油香，而且烤得松脆，一切即散；芝士同火腿永远系绝配，咸香惹味，夹埋酸酸甜甜既沙律酱，非常好。
紫薯草莓松饼 ($88)花花造型，又系呃like之选！面头系香芋雪糕，每一格窝夫都有半粒新鲜士多啤梨，我最怕食酸生果，呢D士多啤梨新鲜带甜，啱食；松饼入面有紫薯蓉，淡淡既紫薯香甜味，边皮烤得脆口，更添口感。
朱古力香蕉松饼 ($78)松饼厚身，软绵绵，放入口系满满既蛋香，当然唔好错过浓浓既朱古力浆同新鲜香蕉，好夹，再饮多两啖热朱古力，咁就度过一个非常relaxing既下午啦！
张贴
